من اى نوعا انت

الحب انواع
النوع الأول :
هناك من يحبك بجنون ويسعى جاهداً لإصابتك بهذا الجنون ولا يستوعب رفضك لمشاعره بهذه السهولة فيحاصرك بسيل من المشاعر الغير مرغوبة ويمارس عليك الغيره غير المباحة فيكتفي بحبه لك ويحملك جميل هذا الحب ويجب لزاماً عليك أن تحبه وإلا نعتك بصفات مرفوضة إنسانياً

النوع الثاني :
هو من تحبه أنت بجنون فيكون مصيبتك العظمى حين يدرك حجم هذا الجنون فيتفنن في إيذائك وكأنه ينتقم منك لأنك أحببته فيتمادى في إيذائك ليذيقك مرارة حبك وافتقاده ويتمادى في الهجر والصد .

النوع الثالث :
هو من يحبك بصدق فيعاملك معامله الود يحبك بصمت ويحترمك بصمت
ويتمناك بينه وبين نفسه يمنعه اعتزازه بنفسه من الإقتراب منك إذا كنت مشغولاً بغيره فيكتفي بالحب من أجل الحب ويحتفظ بك صورة جميلة في ذاكرته

.النوع الرابع :
هو من تحبه أنت وتبادله شعوره فيضمك إلى ممتلكاته بإسم الحب يحاصرك بغيرته فيسجنك بدائرة الممنوعات يحسب عليك أنفاسك يحاسبك على أحلامك ويسلبك حتى أبسط حقوقك وهي التعبير عن شعورك تجاه الآخرين فتعيش في صراع دائم .

النوع الخامس :
هو من يغادر حياتك فيترك ورائه فراغاً باتساع السماء فتحاول جاهدا ملئ الفراغ فتتعرف على من يستحق ومن لا يستحق وتقع في المشاكل .

النوع السادس :
هو من يجعلك تندم على معرفته فيسقيك الإحساس بالألم والندم معاً ، مواقفه تخذلك وتصرفاته تخجلك

.النوع السابع :
هو من يطيل الإنتظار أمام بوابة أحلامك ؛ وإذا سمحت له بالدخول خرب في مدينة أحلامك وشوه أجمل الأشياء بقلبك وتركك نادماً على معرفته

النوع الثامن :
هو من يدخل حياتك بلا إستئذان ، يقدم لك الحب فوق أوراق الورد ، يحملك الي عالم الأحلام ، يحول حياتك إلى عالم الخرافات والأساطير ، يشعرك بمسؤليته تجاهك وأنك مسؤول منه ، يعلمك الصدق والحب والإخلاص ، يحول سوادك إلى بياض ؛ وليلك إلى نهار ؛ وظلمتك إلى شمس ، يصبح قلبك الذي تعشق به ،، وعينك التي ترى بهما ،، هذا الإنسان إذا ضاع بحق نبكي بحرقة

عارفة على الحجار وعمر خيرت اعذب صوت واغنى موسيقى

امهاتى

امبارح ولاول مرة بناتى يبعدوا عن حضنى ليلة اه ليلة واحدة بس بجد اطول ليلة فعمرى لحد دلوقتى الليل مكانش راضى يمشى مش عارفة اعمل اى حاجة عاملة زى العيلة الصغيرة اللى خطفوها من اهلها محتاسة وجسمى كله واجعنى وماليش نفس اكل قررت ان ايه العبط ده يلا قومى كلى حاجة قومى اعملى اى حاجة معرفتش احتست طيب انا كنت باكلهم ازاى وانا مش عارفة ااكل نفسى اخدتها من قصيروا وروحت قعدت قدام التليفزيون لقيت نفسى بجيب الكارتون طيب ما انا بتخانق معاهم طول الوقت علشان بزهق منه حاولت ادور فالخمستلاف قناة الاقى نفسى برجع له تانى المهم عدى كتير من الوقت خلاص معاد انى اروح اجيبهم من عند جدتهم قرب لبست ونزلت بدرى بصراحة زهقت طيب همشى شويا اضيع وقت لا مش قادرةوقفت تاكسى وروحت بسرعة جبتهم واول ما شوفتهم اخدتهم فحضنى وفضلت ابوس فيهم وهما كمان ولقيتهم هما كمان مش ناموا كويس مش اكلوا كويس ولما سالتهم ليه قالولى كنا قلقانين عليكى اوى و عارفين انك مش اكلتى لانك مش بتحبى تاكلى لوحدك فقولنا هنستنى لما نروح معاكى ونتغدى وروحنا ودخلوا يغيروا ولقيتهم بيقولولى انتى مش عملتى اى حاجة فالبيت كل حاجة زى ما هيى قولتلهم معرفتش طول ما كنتوا بعيد مكنتش عارفة اتحرك لقيتهم بيحضنونى وقالولى احنا كنا عارفين وعلشان كده كلمناكى بليل لاننا قلقنا عليكى ومهما حصل مش هنسيبك تانى علشان مش تخافى وفجاة اكتشفت ان عندى اميين صغيرين وعرفت اد ايه حياتى من غيرهم ولا حاجة وان اى حاجة غيرهم فحياتى متسواش جنب حضنهم اى حاجة

ضاع الكاس

النهارده وزى كل الاهلاوية من بدرى وانا بخلص كل اللى ورايا قبل الماتش وجه الماتش وبجد اتمنيت انى اكون نسيت معاده حاجة كده من ورا العقل اجوان بتروح وكور بطير اول مرة اعرف ان ممكن دمج الكرة الطايرة وكرة القدم فماتش الاهلى كان بيدرب على خرق الغلاف الجوى للقاهرة المهم مش هطول عليكم طار الكاس زى الخمس اجوان اللى طاروا فالهوا ومش عارفة ليه بدات اصدق ان العين الشمال لما ترف بتعمل مشاكل لانى عينى طول اليوم بترف الله يسامح عينى ومحمد فضل

اغنية تحفة لعلى احلى صوت فمصر

قلب الليل

احلى الاصوات

http://www.youtube.com/watch?v=pJ4Tp-lUtEk&feature=player_embeddedاغنية لعلى الحجار

اول الكلام

انا قررت النهارده اتكلم عن موقف حاصل فحياتى ومضايقنى اوى وقبل ما اتكلم عارفة ان كلامى مش هيعجب رجالة كتير ويمكن ستات كمان بس هو سؤال وكل واحد فينا لازم يجاوب عليه لو فحياتك حد بتحبوا فعلا ممكن تقدر تبعد عنه مدة زمنية اد ايه؟ ممكن متشفهوش كام يوم؟ متكلمهوش كام يوم؟ طيب لو الحد ده ابنك او بنتك ممكن تسيبوا لحد امتى؟ بصوا انا حكاية ان فى ناس عندهم القدرة على الاقناع بانى بحبك بس معلش مضطر اعيش فمكان وانت فمكان علشان الشغل والدنيا والفلوس ده ما اسمهوش حب انا معرفش ان ده يبقى حب بتحبنى يبقى يلعن ابوا  الفلوس متسبنيش مقعدش سنة بعيد عنك معرفش عنك ولا تعرف عنى حاجة وبعدين تيجى شهر عاوزنى احبك فيه وتاخد كل اهتمامى طب بامارة ايه هو مش انا عايشة سنة بحالها من غيرك يعنى ليه حياتى اغيرها شهر هو انت غيرت حاجة فحياتك علشانى بجد يا جماعة خدوا بالكم لو بتعملوا كده ده بيقتل اى مشاعر ويا سلام بقا لوتعدى سنة ورا سنة ورا سنة والدماغ تتغير والتفكير كل سنة جديد يبقى اللبس يا ريس كل سنة حد غير اللى انت عرفتوا هو تغيير بس وحش اوى ممل مش دايما التغيير مطلوب انا لو بحب حد عاوزة احفظوا سكناته لفتاته عارفة هو هيتصرف ازاى فاى موقف يقابلنا فحياتنا والاهم انى هكون عاوزة افتح كل يوم الصبح عينى عليه اشوفوا منعكش وبينفخ واتخانق معاه ونتصالح واعمل كل حاجة فيومى وهو عارف انا بعمل ايه وانا ابقا عارفة هو فين وبيعمل ايه بصراحة وخدوها حكمة عاى راى المثل اسئل مجرب ولا تسالش طبيب اللى ناوى او ناوية فيكم يعمل كده احسن ليه وللطرف التانى كمان انه ميرتبطش بلاش هتهد حياتك وحياة حد تانى